الى كل المبتدأين .. ادخل هنا تطلع محترف .. شرح كامل للثغرات

في اعضاء جديدة اشتكت انهم مش فاهمين حاجه في الثغرات ومش عارفين يعني ايه بروكسي او في بي ان الخ...

في الموضوع ده ان شاء الله هحاول ابسط الامور ع الاخر علشان اللي مش فاهم يفهم

نبدا على بركة الله




ازاي ممكن الواحد يدخل النت ببلاش ؟؟

باستغلال ثغرات موجوده في الشركات .. يعني ايه ثغرة ؟؟

بص انت علشان تدخل ع النت الشركة لازم تديك تصريح بكده .. طبعا لو مش معاك رصيد الشركة مش هتسمحلك .. فتكون قافلة عليك البورتات " المنافذ" اللي ممكن تجيب بيها نت
في بقى بعض البورتات بتبقى الشركة سايباها مفتوحة .. طبعا مش علشان جمال عيونك .. وانما بتبقى ليها استخدامات تانية




ياعم انا مش فاهم حاجة .. اديني مثال ..؟

بص
انت لما تيجي تدخل موقع عادي مثلا زي ده [ندعوك للتسجيل في المنتدى أو التعريف بنفسك لمعاينة هذا الرابط]
جهازك بيستخدم بورت 80 للدخول للموقع
دلوقت مش معاك رصيد .. الشركة بتقفل البورت ده وبالتالي مش هتعرف تفتح ولا موقع

الشركة دلوقت قفلت بورت 80 .. بالتالي كل المواقع العادية اتقفلت

طب بالنسبة للمواقع المحمية ssl زي ده [ندعوك للتسجيل في المنتدى أو التعريف بنفسك لمعاينة هذا الرابط] دي بقى بتستخدم بورت 443
لو الشركة مش قافلاه هتقدر تدخل على اي موقع بيدعم ال ssl ببلاش
دي بقى ثغرة " طبعا دي وقفت في مصر بعد مانتشرت بس موجودة في دول تانية"




طب استغل الثغرة دي ازاي ؟؟ انا عايز افتح الياهو واعمل داونلود .. مش معقولة هدخل ع الفيس بس ببلاش .

هنا بقى بيجي دور البروكسيات والفي بي ان و البرامج المساعدة


براحة عليا كده ياعم .. ايه البروكسي والفي بي ان ده كمان ؟

انت لما تيجي تدخل على موقع معين مباشرة .. زي موقع مايكروسوفت مثلا .. جهازك بيتوصل مباشرة بالسيرفر بتاع ميكروسوفت وينقل منه بيانات الموقع لجهازك

طب لما تيجي ندخل على موقع مايكروسوفت باستخدام بروكسي سيرفر .. ايه اللي هيتم ؟
جهازك هيتصل بالبروكسي ويقوله انك عايز تفتح موقع مايكروسوفت
البروكسي هيتصل بموقع مايكروسوفت وينقل البيانات عنده
جهازك هيبدأ ينقل البيانات الخاصة بموقع مايكروسوفت من البروكسي

يعني انت استخدمت طريقة غير مباشرة للوصول للموقع .


طب انا هستفيد من الكلام ده ايه .؟؟

علشان تدخل على البروكسيات دي بتستخدم بورتات معينة
يعني في بروكسيات بتستخدم بورت 80 و 8080 و 443 و ...

يعيني دلوقت انت لو عايز تدخل على موقع محترفين مصر .. وكل البورتات مقفولة ما عدا بورت 443 .. هتجيب بروكسي بيستخدم البورت ده بحيث ان ينقلك بيانات الموقع على جهازك .

يعني البروكسي من الاخر بيعمل عملية اعادة توجيه Redirect


طب البروكسي بيجي منين ؟؟ وكيفية استخدامه ؟؟ والبرامج ... الخ

ده ان شاء الله هكمله في الجزء التاني من الموضوع

اتمنى اني اكون عرفت اوصل المعلومة ..
ولو في اي استفسار اسال وان شاء الله نجاوبك